Patay ang 30 ka tawo samtang 74 naman ang pilason sang nagbunggo-anay ang bus kag truck sa Punjab sa Pakistan.
Suno sa rescue officials, natabo ang aksidente sang nasumalang mismo sang bus ang container truck sa Dera Ghazi Khan district.
Gilayon naman nga gindala sa ospital ang mga pilason kag napatay.
Pahayag naman ni Dr. Najeebur Rehman, Medical Superintended sang Dera Ghazi Khan Teaching Hospital, posible nga madugangan pa ang mga napatay bangud may pila ka mga pilason nga yara subong sa seryoso ang kondisyon.
Nahibaluan nga kumon na ang mga aksidente sa dalanon sa Pakistan sa diin ang masami wala ginasunod ang traffic rules kag yara sa pigado ang kondisyon sang mga dalan sa rural areas.
