ILOILO CITY-Naglab-ot na sa 10 ka barangays sa Iloilo City ang apektado sang dalagko nga mga balod bangud sa habagat.
Sa interview sang Bombo Radyo kay Mr. Darwin Papa, Operation Officer sang Iloilo City Disaster Risk Reduction and Management Office, iya ginpahayag nga ini nga mga barangay ang ginalakipan sang masunod: Sto. Nino Sur, Sto. Nino Norte, kag Calaparan sa Arevalo; Calumpang, Boulevard, kag San Juan sa Molo; Rizal Ibarra,General Hughes Maria Clara, kag Ortiz sa City Proper.
Suno kay Papa, sa kabilugan, 31 na ka mga balay ang nagkalaguba kun sa diin 15 diri ang totally destroyed kag 16 naman ang partially destroyed.
27 sa sini nga mga balay ang naghalin sa Boulevard kag apat ang sa Ortiz.
May yara naman sang narecord nga 31 ka mga pamilya ukon 125 ka mga indibidwal nga ara sa mga evacuation centers.
