ILOILO CITY- Ginabantayan na bwas nga adlaw,Mayo 12, ang opening sang Southeast Asian Games sa Hanoi, Vietnam.
Masobra sa 5,000 athletes lakip na ang mga Olympic champions ang magahampang agud agawan ang 500 gold medals sa nanuhay-tuhay nga mga sporting events.
Ang hinampang nga ginapasakupan sang 11 ka mga pungsod ang nagalakip sang traditional Olympic sports pareho sang athletics, swimming kag boxing,apang may yara man sang regional sports kaangay sang sepak takraw.
Pila sa ginabantayan nga mga atleta amo sanday world number one Panipak Wongpattanakit sang Thailand sa patag sang taekwondo kag Philippine weightlifter Hidilyn Diaz, nga lunsay nakakuha sang gold medal sa Tokyo Olympics.
Suno kay Bombo International Correspondent Jennifer Salvador direkta sa Vietnam, pahanugutan ang live spectators sa mga events matapos ginpahalugan sang mga organizers ang restrictions sa kondisyon nga magsunod ang mga ini sa health and safety protocols.
Suno kay Salvador, magluwas lang sa football, wala sang balayran sa entrance sa tanan nga competition venues sang 39 sports umpisa opening ceremonies tubtob sa closing rites sa Mayo 23.
Ibaligya lang ang tickets sa tion sang football matches bangud ginalauman ang mas madamo nga tumalan-aw.
