Patay ang 32 ka tawo samtang 160 ang nasamaran matapos nga nag-atake ang isa ka suicide bomber sa isa ka Shiite mosque sa Islamabad, Pakistan samtang nagahiwat sang Friday prayers.
Ginpangunahan sang grupo nga ISIS ang pag-atake, kag nadakpan na ang ginpahayag nga mastermind, kaupod ang apat (4) ka suspek nga nagbulig sa preparasyon sang pagpang-atake.
Ini ang isa sa brutal nga pag-atake sa Pakistan humalin pa sang Enero 2023, kag nagapakita nga padayon nga may peligro sa terorismo sa amo nga pungsod.
Nagtambong ang linibo ka mga tawo sa funeral prayers sa idalom sang hugot nga seguridad, samtang gin-kondena sang gobyerno sang Pakistan, US, kag Afghanistan ang insidente bilang krimen batok sa katawhan ukon cime against humanity.
