ILOILO CITY – Naglab-ot sa 323 ka panibag-o nga kaso sang Coronavirus Disease 2019 (COVID-19), 97 ka dugang nga recoveries kag 4 ka dugang nga deaths ang na record sa Western Visayas.
As of September 20 nga case bulletin sang Department of Health Region 6, naglab-ot na sa 9,367 ang kabug-usan nga numero sang COVID-19 cases kun sa diin 3,792 ang total active cases samtang nagsaka naman sa 5,423 ang total recoveries kag 152 ang total deaths.
Sa 3,201 ka laboratory results nga ginpaguwa, 323 ang new cases, 16 ang positibo sa repeat test kag 2,862 ang negatibo.
Sa 323 ka new cases, 24 ang gikan sa Capiz, 18 sa Iloilo, 74 sa Negros Occidental, 186 sa Bacolod City kag 21 sa Iloilo City kun sa diin isa ang Authorized Person Outside Residence, 4 ang Locally Stranded Individual, 15 ang Returning Overseas Filipinos kag 293 ang Local cases.
Sa subong, ang Aklan ang may 53 ka COVID-19 cases, Antique nga may 35, Capiz nga may 249, Guimaras nga may 59, Iloilo Province nga may 686, Negros Occidental nga may 1,639, Bacolod City nga may 3,016, Iloilo City nga may 1,798, ROFs, LSIs kag APORs nga may 1,832 kag 38 ang nalakip sa Tagged to other regions.
