Naka-rekord sang dugang nga 33 ka mga panibag-o nga kaso sang COVID-19 ang bahin sang Philippine National Police sa diin kabug-usan nga 2,347 na tanan.
Sa latest nga data sang PNP nagapakita nga ang bag-o nga mga kaso ang naghalin sa National Capital Region Police Office nga may 15; apat sa PRO IV-A; tag duha sa PRO IV-B, PRO VI, PRO 1 kag Intelligence Group.
Samtang tag isa naman ang nagikan sa National Headquarters, Information Technology Management Service, Headquarters Support Service, Drug Enforcement Group, Anti-Cybercrime Group kag Crime Laboratory.
Ang mga nag-ayo sa balatian ang nagdangat na sa 1,384 matapos madugangan sang 55 ka mga pasyente nga naka recover.
Ang mga napatay bangud sa COVID-19 sa bahin sang mga kapulisan ang nagapabilin sa 11.
As of August 5, may yara sang 2,354 ka mga suspected COVID-19 cases kag 886 naman ang probable cases sa PNP.
