ILOILO– Padayon ang ginapatigayon nga imbestigayon kag monitoring sa 33 ka mga police personnel sa Western Visayas nga gina alegar may kaangtanan sa ilegal nga droga.
Sa interview sang Bombo Radyo kay Police Lt Col Joem Malong, tagpamababa sang Police Regional Office 6, iya ginpahayag nga ginpaidalom sa monitoring ang 33 ka mga police officers agud ma kumpira kun may kaangatan gid man sila sa ilegal nga droga.
May kaangatan naman sa kun ngaa wala pa sang may napasakaan sang kaso kag na- operate sa 33 ka mga police nga under monitoring, ginklaro ni Malong nga madamo pa sang mga proseso nga dapat agyan bag-o sila makapatigayon sang operasyon sa mga nasambit nga mga police.
Ikaduha nga problema kun ngaa wala pa sang napasakaan sang kaso amo bangud wala sila sang may ginakaptan nga baskog nga testimonya batok sa mga nasambit nga police kag magapamatuod nga may kaangtanan ang 33 ka mga pulis sa ilegal nga droga.
