TURKEY – Patay ang 33 ka miyembro sang Turkish army matapos ang nagluntad nga air strike sang Syrian “regime forces” sa naaminhan-nakatundan nga bahin sang Syria.
Nahibaluan nga nagsugod ang pag-atake sang Turkish military sa Syria matapos magpatigayon si President Recep Tayyip Erdogan sang top-level security meeting sa Ankara.
Matapos ang nasambit nga pagsinapol, gilayon nga nagapadulong sanday Defense Minister Hulusi Akar kag pila ka senior Turkish military commanders sa Syrian border agud ipauntat ang tanan nga ground kag air attacks batok kay Syrian President Bashar al-Assad.
Luyag ni Presidente Erdogan nga magbiya na ang Syrian government forces sa ila tagsa ka mga posisyon sa diin nagpatindog ang Turkey sang military observation posts sa kahadlok nga dayunon sang nasambit nga pungsod ang ila paandam nga pag-atake sa tion nga indi maghalin ang pwersa sang militar sa Syria.
Apang wala ini ginsunod sang gobyerno sang Syria kag Russia.
Gin-akusaran man sang Russia ang Turkey sa ginapahayag paglapas nila sa 2018 ceasefire.
