ILOILO CITY – Masobra sa 300 ka panibag-o nga recoveries ang nagdugang sa listahan sang mga pasyente nga nag-ayo sa COVID-19 ang napagkit sa Western Visayas.
As of October 13 nga case bulletin sang Department of Health Region 6, naglab-ot sa 336 ang panibag-o nga recoveries kun sa diin naglab-ot na sa 10,411 ang kabug-usan nga numero sang mga pasyente nga nag-ayo.
Nadugangan man sang 105 ang COVID-19 cases kun sa diin ang kabug-usan nga numero ang nagsaka na sa 13,924 samtang nagsaka man sa 336 ang numero sang mga ginbawi-an sang kabuhi matapos nga duha ang nagdugang sa listahan.
Sa 105 ka panibag-o nga kaso, 38 ang gikan sa Iloilo City, 37 sa Negros Occidental, 19 sa Bacolod City, 7 sa Iloilo City kag 2 sa Capiz.
Naglab-ot naman sa 3,177 ang total active cases sa bug-os nga rehiyon.
Sa subong, ang Aklan ang may 130 ka total COVID-19 cases, Antique nga may 65, Capiz nga may 626, Guimaras nga may 156, Iloilo nga may 1,573, Negros Occidental nga may 3,705, Bacolod City nga may 4,440 kag Iloilo City nga may 3,229.
