ILOILO CITY – Arestado ang kapin 34 ka mga persona matapos nadakpan sa akto nga nagahampang sang billiards sa Brgy. Burgos-Mabini, La Paz, Iloilo City.
Sa interview sang Bombo Radyo kay Punong Barangay Lilibeth Eduardo, iya ginpahayag nga ginpatigayon ang operasyon batuk sa illegal gambling sa diin natukiban nga may yara sang pustahanay nga nagakatabo.
Suno kay Eduardo, narecover sang mga kapulisan ang pila ka mga cellphone lakip na ang kapin P326,000 nga bet money.
Ginpahayag ni Eduardo nga naga guwa nga wala sang lisensya ang bilyaran kag patago lang kun kagab-ihon ang pagpatigayon sang hampang sang billiards.
Sa subong, suno sa natungdan, ginpangdala sa nagkalain-lain nga police station ang mga arestado bangud indi ma-cater sang isa lamang ka presuhan.
