Gintaban sang mga kawatan ang masobra sa 30 laptops sa sulod sang isa ka faculty room sa Manila.
Base sa imbestigasyon, sa kasagsagan sang suspensyon sang klase, ginsulod sang tatlo ka mga lalaki kag duha ka solterito ang amo nga eskwelahan.
Ang nasambit nga laptops ang halin sa Department of Education (DepEd) kag ang duha ang personal nga laptop sang mga manunudlo.
Sa pag-imbestigar sang otoridad, nakit-an ang guba nga door knob sang faculty room kag buho sa pader sa likod sang buluthuan.
Maswerte naman nga may barangay tanod nga nakakita sa mga suspek nga may dala nga mga sako kag sang iya ginsita, nagpalagyo ang mga ini.
Sa follow-up operations, nadakpan ang mga suspek nga nagaedad 19 tubtob 35 samtang sa separado nga operasyon, nadakpan ang mga menor de edad nga 15 kag 17-anyos.
Sa ginkawat nga laptops, pito pa lang ang narekober.
