Ginabanta 345,000 nga mga condom nga na gamit na, gintinlo-an kag liwat nga ginbaligya ang nakumpiska sang mga awtoridad sa Vietnam.
Pinaagi sa footage sang state-owned Vietnam Television, ginpakita ang dalagko nga mga bag nga may unod nga mga contraceptives sa isa ka warehouse sa Binh Duong.
Suno sa pulis, ang mga bag ang nagabug-at sang 360 kilograms.
Pahayag naman sang tag-iya sang warehouse, nagabaton sila kada bulan sang mga condom gikan sa indi man nila kilala nga tawo.
Isa ka babaye ang natigayon nga gindakop sang mga kapulisan kag gin-pahayag nga una nila ginapabukalan sa tubig ang mga nagamit na nga mga condom, ginapamala kag gina-reshape antes i-repacked kag liwat nga ibaligya.
Indi pa mapat-od subong kun pila na nga mga recycled condoms ang natigayon nga mabaligya.
