Nagdesisyon ang ALA Boxing, isa sa nagapanguna nga boxing stables sa Pilipinas, nga tapuson na ang ila 35 ka tuig nga operasyon.
Suno sa nasambit nga Cebu-based promotion company, siraduhan na ang ila shop bangud sa tuman ka daku nga epekto sang coronavirus pandemic kag pagshutdown sang isa ABS-CBN nga amo ang ila broadcast partner.
Sa ila Facebook post, ginpasalamatan sang kompaniya ang tanan nga fans nga nagsuporta sa ALA Promotions kag ALA Gym sa masobra tatlo ka dekada.
Ginpahibalo man sang nasambit nga kompaniya nga iga-release ang ila gina-manage nga mga boksingero agud makapangita sila sang bag-o nga boxing promoter.
Ang ALA ang naka-produce sang mga world-champions sa patag sang boxing umpisa sang gintukod ini sang 1985. Lakip diri amo sanday four-division titleholder Donnie ‘Ahas’ Nietes kag former IBF light flyweight champion Milan Melindo.
