Nagapati ang Malacañang nga natuman ni Presidente Rodrigo Duterte ang iya promisa sang nagakampanya pa lang ini.
Ini ang pahayag sang administrasyon kadungan sang countdown sa nabilin nga isa ka tuig sa termino ni Duterte bilang Chief Executive.
Suno kay Presidential Spokesperson Atty. Harry Roque, nagapabilin sa gihapon si Duterte nga popular bangud man sa iya kampanya batok sa krimen kag war on drugs.
Magluwas sini, madamo man suno kay Roque sang programa si Duterte batok sa corruption, red tape, kag nagpirma man sang layi para sa free tuition kag universal healthcare bills.
Bilang response naman sang gobyerno sa COVID-19, nagtanyag man ang administrasyon sang libre nga coronavirus tests kag vaccines.
“Needless to say, marami po tayong nakamit doon sa mga pinangako ni Presidente, lalong-lalo na sa laban sa droga,” pahayag ni Roque.
Samtang, nagdangat naman sa masobra 6,000 ang mga napaty sa masobra 200,000 ka mga anti-drug operations nga gin-umpisahan ang Hulyo 2016 santo sa official data.
Apang suno sa Human rights groups, posible nga pila pa ka pilo nang nasambit nga numero sang mga napatay.
Madamo naman sang mga suspek nga ginlakip sa “drug watch lists” sang mga local officials ang ginpadulungan sang mga pulis sa ila balay sa diin nagresulta ini sa maduguon nga shooting incident.
Kaangot sa isa ka tuig nga nabilin sa termino ni Duterte, nagprotesta ang mga human rights group sa diin ginapanawagan nila sa International Criminal Court (ICC) nga padayunon ang imbestigasyon sa ginapahayag crimes against humanity sa idalom sang drug war.
Suno kay BAYAN secretary-general Renato Reyes Jr., indi na nila luyag pa nga nga maglawig ang ginahimo nga pagpamigos kag pagpamatay sa idalom sang Duterte administration.
“The magnitude of the mass murders point to a systematic and organized campaign to do away with due process and rule of law,” pahayag ni Reyes.
“We say, no more. We do not wish to see an extension of Duterte’s reign of terror beyond 2022. We do not wish to see another six years of brazen disregard for due process and the rule of law. We say no more, to tyranny and abuse of power,” dugang pa ni Reyes.
Nahibaluan nga bukas si Duterte nga magpadalagan bilang bise presidente sa diin ginabati bati man nga ang iya anak nga si Davao City Mayor Sara Duterte-Carpio amo nagalaom nga mangin successor sini.
“Duterte will not be president forever and neither can he cling to power forever. There will be a day of reckoning when justice for the victims will finally be achieved,” dugang pa ni Reyes.
