Nakapauli na sa Pungsod ang 39 ka mga Pilipino nga nabiktima sang human trafficking sa Lagos, Nigeria.
Suno sa Department of Migrant Workers (DMW), mismo si Secretary Hans Leo Cacdac ang nagsugat sa mga Pinoy sa Ninoy Aquino International Airport Terminal 3.
Ginsiguro man ni Cacdac nga buligan nila ang mga distressed overseas Filipino workers base man sa mando ni President Ferdinand Marcos Jr.
Pila sa mga bulig amo ang financial assistance pinaagi sa DMW AKSYON fund kag temporary nga elistaran kag masakyan pabalik sa ila mga probinsya.
Nag-warning man ang DMW sa mga Filipino nga maghalon sa mga naga-offer sa ila sang trabaho sa iban nga pungsod.
