Balantayan subong nga adlaw, Abril 10, ang ikatatlo na nga hugnat sang hearing sang Senado nga naangot sa pag-aresto kay former president Rodrigo Duterte kag pagdala sa iya sa The Hague, Netherlands.
Nauna na nga ginkumpirma sang Malacañang nga magatambong na liwat ang pila ka myembro sang Gabinete kasunod sang request ni Senate President Francis ‘Chiz’ Escudero, apang gin-athag sang Palasyo nga gamiton sang mga opisyal ang ila nga executive privilege pananglitan pamangkuton sila sang sensitibo nga mga impormasyon.
Santo sa nauna nga kumpirmasyon sang opisyal sang Palasyo, ang magatambong amo sanday:
- Department of Justice Secretary Justice Jesus Crispin Remulla
- Prosecutor General Richard Anthony Fadullon
- Chief State Counsel Dennis Arvin Chan
- Department of Foreign Affairs Secretary Enrique Manalo
- Philippine Center on Transnational Crime Executive Director Anthony Alcantara
- Philippine National Police Chief Rommel Franscisco Marbil
- Criminal Investigation and Detection Group Chief General Nicolas Torre
- Department of Migrant Workers Secretary Hans Leo Cacdac
- Special Envoy on Transnational Crimes Markus Lacanilao
Nagpanugyan man si Palace Press Officer Undersecretary Atty. Claire Castro kay Sen. Imee Marcos nga chairperson sang Senate Committee on Foreign Relations nga mag-imbitar man sang international law experts kadungan sang inquiry bangud mas maayo nga indi lang isa ka panan-awan ang mabatian sini.
Matandaan nga sa una nga hearing, nagtambong man ang Cabinet secretaries, apang sa ikaduha, bakante na ang mga pulungkuan sa Senado bangud ginsiling sang Malacañang nga bastante na ang nahatag nga mga impormasyon kag gamiton na nila ang ila nga executive privilege.
