Naglab-ot na sa 4.5 million nga pasahero ang na-rekord sang Philippine Ports Authority sa mga pantalan subong nga holiday season.
Ang ini nga numero sang pasahero nakuha halin sang Disyembre 15 tubtob kahapon nga adlaw, Disyembre 30.
Suno sa Philippine Ports Authority mas mataas ang ini nga numero kumpara sang nagligad nga tuig.
Ginalauman sang ahensya nga malagpasan sang ini nga datos ang ila target nga 4.6 million nga pasahero subong nga tuig.
Ginmanduan man sang PPA ang mga pasahero nga indi makigtransaksyon sa mga fixers.
Hugot man nga ginadumulian ang pagdala sang pila ka mga item kaangay sang mga makahulubog nga ilimnon kag palupok.Ini agud mangin matawhay ang byahe sang mga pasahero.
