ILOILO CITY – Gin-paidalom sa lockdown ang porsyon sang Barangay Ortiz, Iloilo City Proper matapos maka-rekord sang apat ka mga kaso sang COVID-19.
Sa interview sang Bombo Radyo kay Punong Barangay Shiela Doza, iya ginpahayag nga una nagpositibo sa COVID-19 ang driver sang IQoR sa diin nag-abot ang resulta sang reverse transcription polymerase chain reaction (RT-PCR) test niya sang Agosto 8.
Bangud sini, natumod ang 42 ka mga na close contact sang amo nga driver sa nasambit nga barangay sa diin natukiban nga duha diri ang nagpositibo sa COVID-19 nga lunsay mag-asawa.
Samtang sang Agosto 14, nagguwa naman ang resulta nga isa sa myembro sang pamilya sang driver ang nagpositibo man sa virus.
Padayon subong ang contact tracing nga ginahimo kag may yara sang 83 ka mga pamilya sa Burgos area sa Barangay Ortiz ang apektado sang lockdown.
