Ginlagas sang mga pulis ang mga manugbulang sa Barangay Binuluangan, Carles, Iloilo kasunod sang ginpatigayon nga operasyon sang mga kapulisan.
Sa interview sang Bombo Radyo kay Police Major Nestor Bacuyag, hepe sang Carles Municipal Police Station, iya ginpahayag nga apat ka mga lalaki ang natigayon nila nga madakpan.
Suno kay Bacuyag, narecover sa lugar ang siyam ka mga manok nga lunsay patay na, duha ka mga buhi nga manok, mga gamit pang-bulang kag P1,000.
Indi pa man makumpirma sang hepe ang impormasyon nga ginpalab-ot sang isa ka concerned citizen sa Bombo Radyo nga may yara sang nalakip sa mga nagdalagan nga napatay bangud ginaalegar gin-atake sa tagipusuon.
