Plano nga ipatuman sang Philippine government ang 4-day workweek kag pagpalawig sang remote work set-up bangud man sa nagapadayon nga pagsaka sa presyo sang produktong petrolyo.
Ini suno kay Socioeconomic Planning Secretary Karl Chua ang pila sa mga rekomendasyon agud nga makabangon ang ekonomiya sang pungsod.
Sa 4-day workweek, kinahanglan nga 10 ka oras ang trabaho sang mga empleyado.
Suno naman kay Energy Secretary Alfonso Cusi, kinahanglan man nga palawigon ang work-from-home arrangements apisar nga ginpahalugan na ang COVID-19 restrictions.
Nagpanugyan man si Cusi sa Publiko nga maghagan hagan sa consumption sang produktong petrolyo bangud sa padayon nga pagsaka sa presyo sini.
Base naman sa pahayag ni acting Palace spokesperson Martin Andanar, ang amo nga mga rekomendasyon ang ginatun-an na ni Presidente Rodrigo Duterte.
Samtang, suno sa National Economic and Development Authority (NEDA), madamo na ang nagapanawagan nga pataasan ang minimum wage kag fare hike nga sa gihapon ginadiskusyonan bangud sa posible impact sini sa eknomiya.
Nahibaluan nga ang Inflation rate sang pungsod ang nagapabilin nga yara sa 3 percent apisar sang nagapadayon nga kinagamo sa Russia kag Ukraine.
