ILOILO CITY – Nagpagwa na sang hold departure order (HDO) ang korte batok sa lima ka mga suspek nga ginalakipan sang apat ka mga dumuluong kag isa ka Pinay, nga responsable sa pagbaldog sa isa ka biyuda sa Buenavista, Guimaras paagi sa isa ka dating website kun sa diin halos P40 million ang nakuha sa biktima.
Ini agud indi makaguwa sa Pilipinas ang mga suspek nga sanday Siti Faridah Binti Abdl Hamid kag Ishama Binti Sheck Dawood nga mga Malaysians, Francis Omnibuchi kag Chukwudi Ugwu nga mga Nigerians kag ang Filipina nga si Rosalyn Ibarra.
Nahibaluan nga apat na sa nasambit nga mga akusado ang nakapiyansa.
Pinakaulihi nga nagpiyansa ang P40,000 nga piyansa ang duha ka Malaysians kag ang Pinay samtang ang akusado nga si Chukwudi Ugwu ang nasaylo na sa Iloilo Provincial Integrated Jail.
Ang lima nga nagapangatubang subong sang kaso nga estafa ang ginapatihan miyembro sang isa ka international syndicate nga nagapangbiktima sa mga nagapangita sang partner paagi sa isa ka dating website.
