SARA,ILOILO– Dakup ang apat ka mga durugista sa duha ka drug buy bust operations sa banwa sang Brgy. Anoring Sara, Iloilo.
Ang una nga nadakpan amo sanday Jimmy Pascual, 27 anyos kag residente sang Brgy. Dugman, San Dionisio, Iloilo kag Jesus Denom 34 anyos residente sang Brgy. Ilawod Sara, Iloilo.
Nakuha sa ila ang anom ka sachet sang suspected shabu, duha ka P400 subscribe money, P4,000 nga boodle money, isa ka cellphone kag motorsiklo.
Ginabanta sa P24,000 ang balor sang iligal nga droga ang nakuha sa mga natungdan.
Samtang sa ikaduha nga buy bust dakop sanday Jorge Balugal, 27 anyos residente sang Brgy Anoring Sara Iloilo kag Elvin Jon Castor 26 anyos residente sang Brgy. Ilawod Sara.
Narekober sa ila posisyon ang siyam ka sachet sang suspected shabu nga ginabanta P44,000 ang balor, P200 nga subscribe money, P20,000 nga boodle money, duha ka cellphones kag duha man ka motorsiklo.
Ang drug buy bust operation ginpangunahan sang Provincial Intelligent division sang Provincial Command kaupod ang Sara Municipal Police Station.
Sa interview sang Bombo Radyo kay Police Major Jonathan Penuela, chief sang Intelligence division sang Provincial Command, iya ginpahayag nga sa Bacolod nagakuha sang supply ang mga durugista kag ini ang ginapa agi sa mga provincial ports kaangay sang sa Dumangas.
Suno sa iya, madamo nga operasyon ang ginapatigayon sang mga durugista agud mabaligya ang ila mga produkto kag sila ang nagalibot lang sa 5th district.
