ILOILO CITY- Dakop sa ginpatigayon nga anti-illegal drug buybust operation sang Philippine Drug Enforcement Agency Regional Office VI ang apat tanan ka mga indibidwal sa Sitio Ilaya, Abandon St., Brgy. Tabuc Suba, Jaro, Iloilo City.
Ang mga nadakpan amo ang subject sang operasyon nga si Ma. Fe Jaspe,Norberto Franco, Ronalyn Sabebe, kag French Lapides.
Nabaklan si Jaspe sang isa ka sachet sang suspected shabu nga balor P20,000.
Narecover naman sa ila ang 22 tanan ka sachet sang suspected shabu lakip na ang buy bust item nga ginabanta nagabug-at tanansa 40 gramos kag nagabalor sa P275,000.
Sa interview sang Bombo Radyo kay Atty. Bomrad Abonado,spokesperson sang Philippine Drug Enforcement Agency Regional Office VI, iya ginpahayag nga masobra isa ka bulan ang ila monitoring sa subject nga antes natigayon ang madinalag-on nga operasyon.
Suno kay Abonado, si Jaspe ang may contact sa isa ka indibidwal sa New Bilibid Prison samtang si Subebe naman ang gina-chat sini kun diin kuhaon ang illegal drugs kag nagaserbe bilang runner sang main subject.
