JARO, ILOILO CITY – Patay ang apat ka mga kanding kag isa naman ang napiang matapos ginpangluthang sang isa ka retired seaman sa 7th Street Lawaan Village, Balantang, Jaro Iloilo City.
Ang seaman amo si Jonny Saldo.
Ang mga kanding ang ginapanag-iyahan sang isa ka pulis.
Sa interview sang Bombo Radyo kay Jerelyn Cañares, caretaker, iya ginpahayag nga nakibot na lang siya sang nakabati sang sunod-sunod nga lupok sang pusil.
Suno kay Cañares, paglantaw niya sa ila bintana, nakita niya si Saldo nga ginpangluthang ang mga kanding.
Ginpahayag sini nga naakig si Saldo bangud nagsulod ang mga kanding sa iya ugsaran kag ginpangharab ang iya mga tanom.
Sa apat nga mga ginpangluthang nga kanding, duha gid ang nagabusong sa diin patay man ang ila mga tinday
Tungod sa natabo, ginpang-ihaw na lang ang mga kanding.
Ginpakamaayo nalang sang tag-iya sang mga kanding nga ipa-blotter ang insidente.
