Nagbawi sang ila suporta ang apat ka mga senador para sa hagna nga natuyo nga matapna ang adolescent pregnancies sa Pilipinas.
Sa sulat nga ginpadala kay Senate President Francis “Chiz” Escudero, sanday Senador JV Ejercito, Nancy Binay, Cynthia Villar, kag Christopher “Bong” Go ang nag-request nga kakason ang ila pirma sa Committee Report No. 41, nga nagaunod sang Senate Bill No. 1979 ukon ang “Prevention of Adolescent Pregnancy Act of 2023.”
Suno sa mga senador, ang nagadamo nga concerns kag feedback sang publiko ang rason sang ila pag-atras.
Yari ang ila statement:
“While we recognize the urgency of addressing adolescent pregnancy, we believe further consultation with stakeholders is necessary to clarify misconceptions and refine objectionable provisions.”
Ang bill nagaduso sang national strategy agud mabuhinan ang adolescent pregnancies, kalakip diri ang integration sang Comprehensive Sexuality Education (CSE) sa public kag private school curricula,nga nagasunod sa guidelines halin sa Department of Education (DepEd) kag international standards.
Sanday senador Imee Marcos kag Ramon “Bong” Revilla Jr., nga orihinal nga nag- propose sang hagna batok sa teen pregnancies, ang nagdistansya gikan sa Senate Bill No. 1979.
Ila ginpahayag nga ang substitute bill ang indi pareho sa ila original drafts kag ginsiling ni Revilla nga ang mga probisyon diri ang indi iya proposals.
