Nagpasaka sang rekomendasyon ang National Bureau of Investigation sa Office of the Ombudsman agud pasakaan sang graft charges ang pila ka mga opisyal sang Commission on Human Rights (CHR).
May kaangtanan ini sa ginapahayag iregularidad sa travel expense clams.
Kabahin sa mga ginareklamo amo sanday CHR Chairperson Richard Palpal-latoc, Onesimo Cuyco, Maria Teresa Dolor, kag Russel Mani.
Base sa NBI, may ginkuha nga daily subsistence kag representation expenses si Palpal-latoc para sa pagtambong sini sa isa ka human rights training sa France sang 2025, apisar nga ginsabat sang Friedrich Naumann Foundation for Freedom ang airfare, accommodation, pagkaun kag iban pa.
Lakip man sa ginareklamo ang mga wala narecord ukon napresentar nga foreign sponsor kag program agenda halin sa isa ka sesyon sang 2024.
