Nagpirma na ang apat ka senador sang draft resolution nga nagahatag sang giya kun paano atubangon sang Senado ang desisyon sang Supreme Court nga nagbasura sang impeachment articles batok kay Vice President Sara Duterte.
Suno kay Senate Deputy Minority Leader Risa Hontiveros, ang nasambit nga draft resolution subong nagalibot na sa Senado kag ginbase sa mga giya nga halin sa pila ka mga anay mahistrado.
Target nga ipresentar ini sa plenary session sa Agosto 6 para sa diskusyon.
Ginpahayag ni Hontiveros nga indi pa dapat ibasura ang kaso bangud wala pa sang ginpresintar nga ebidensya.
Dapat, suno sa iya, timbangon sang Senado ang pagrespeto sa Supreme Court kag ang responsibilidad sini nga siguruhon ang accountability sang mga opisyal sang gobyerno.
Sa pihak nga bahin, ginapreparar man sang Kamara ang pagpasaka sang motion for reconsideration batok sa desisyon sang Supreme Court.
