ILOILO CITY – Wala sang may nakuha nga kwarta ang apat ka mga suspek nga nagtuyo sa pag hold-up sa isa ka gasoline station sa Brgy. Baldoza, La Paz, Iloilo City.
Sa interview sang Bombo Radyo kay Ben Peregrino, gasoline boy, iya ginpahayag nga duha ka suspek ang nagpangamot sa pagpang hold-up samtang ang duha naman ang nagserbe nga lookout.
Suno kay Peregrino, icepick kag armas-luthang ang gingamit sang mga suspek sa pagtaya sa ila mga mga empleyado.
Ginpahayag ni Peregrino nga gintinguhaan sang cashier nga indi pagbuy-an ang kaha rason nga wala nakuha sang mga suspek ang kwarta tubtub nga nag-abot ang rescue.
Gilayon nga nagpalagyo ang mga suspek sa wala nahibalu-an nga direksyon.
