ILOILO CITY – Padayon ang imbestigasyon sang Philippine National Police (PNP) matapos malakip ang pangalan sang apat ka mga pulis sa siyudad sang Iloilo sa blue book sang nadakpan nga mga drug pusher.
Kasunod ini sang pagkadakop sa mag-live-in partner nga sanday Jackie Lou Espinosa kag Tisoy Barrido Hansinal sang Baranga General Hughes, City Proper kun sa diin nakuha sa posisyon sang mga ini ang blue book nga naga-unod sang pangalan sang ila nmga nakatransaksyon sa iligal nga droga.
Sa interview sang Bombo Radyo Iloilo kay Police Chief Insp. Aldrin Lamera, hepe sang Police Station No. 1, ginpahayag sini nga dako ang sakop sang operasyon nanday Espinosa kag Hansinal kun sa diin nagalab-ot sa kapin P100,000 ang tagsa ka transaksyon sang mga ini.
Sa ila blue book, nabutang ang mga alyas kag contact numbers sang mga pulis nga ginhinago lang sa mga alyas nga Tabs, Colacion Gonzaga kag Polmo.
Ginkumpirma naman sang hepe nga anay mga tinawo sini kanday Colacion kag Gonzaga kag anay na-assign sa Police Station No. 1 sang Iloilo City Police Office.