Mangin maulanon kag magal-umon ang madamo nga parte sang pungsod bangud sang nanuhay-tuhay nga weather systems.
Suno sa state weather bureau, ang nagaapekto subong sa Pilipinas amo ang shear line sa eastern section sang Southern Luzon, Northeast Monsoon ukon amihan sa nabilin nga bahin sang Luzon, kag easterlies sa nabilin nga bahin sang pungsod.
Sa Visayas, posible ang flash floods kag ang pagtiphag sang duta bangud sang kasarangan tubtub mamunog nga pag-ulan.
May Low Pressure Area (LPA) nga na-monitor sa guwa sang Philippine Area of Responsibility (PAR) partikular sa 725 km nabagatnan-nakatundan sang Pagasa Island, Kalayaan, Palawan. Suno sa weather bureau, posible nga indi ini mag-develop sa bagyo.
Nagadala ang trough sini sang magal-umon nga tyempo kag lapta-lapta nga pag-ulan kag thunderstorms sa Zamboanga Peninsula, Basilan, Tawi-Tawi, kag Palawan.#
