Indi magnubo sa 43 mga Filipinos sa luwas sang pungsod ang nagaatubang subong sa death penalty, suno sa Department of Migrant Workers (DMW).
Ini ang gintuad sa Senate plenary deliberations sa proposed 2025 national budget.
Sa interpellation ni Senate President Pro Tempore Jinggoy Estrada,ginsiling ni DMW budget sponsor Senator Joel Villanueva nga 41 sa mga Filipinos sa death row ang ara sa Malaysia, duha sa Brunei kag isa sa Saudi Arabia.
Ang ila nga mga kaso ang drug-related kag murder.
Sa kaso sang Filipina nga nasentensyahan sa Saudi Arabia, ginsiling ni Villanueva nga gin-alegar sang Pinay nga ginbuno niya ang iya employer bangud sa pagbuyayaw kag pag-abuso pisikal sa iya.
Sa 41 naman nga Filipinos nga nasentensiyahan sa Malaysia, ang iban sa ila ang drug mules samtang ang iban ang nadakpan nga nagatago sang illegal substances.
Samtang, ang pag- execute naman sa duha ka Filipinos nga nagaatubang sang capital punishment matapos na-convict sa murder sa Brunei ang gin-hold anay bangud sa de facto moratorium sa death sentences sa amo nga Southeast Asian country.
