ILOILO CITY- Magaabot na sa Abril 2022 ang una nga batch sang modernized jeepneys nga magabyahe sa lima ka panibag-o nga ruta sa syudad base sa Local Public Transport Route Plan.
Sa interview sang Bombo Radyo kay Mr. Raymundo Parcon, presidente sang Iloilo City Loop Alliance of Jeepney Owners and Drivers Association ukon ICLAJODA kag presidente man sang Western Visayas Transport Cooperative, iya ginpahayag nga 400 units ang magaabot para magbyahe sa dugang nga lima ka ruta nga ginalakipan sang:
1.Tagbak to Lapuz/ Bitoon to La Paz via Coastal Road Route
2.Villa to Jaro via Sooc, Oñate,Festive Walk,Transport Hub Route
3.Tagbak to Festive Walk Transport Hub via SM City, Atria Route
4.Ungka to Lapaz Via CPU to ISAT-U Route
5.Mohon to Mandurriao Business District Route and La Paz to Festive Walk Transport Hub via Brgy. Nabitasan Route
Suno kay Parcon, sa subong yara na sa transition period ang franchise sang mga traditional jeep pakadto sa modernized jeepneys.
Nahibaluan nga apat ang suppliers nga ginakuhaan sang modernized jeepneys sa diin 800 unit per supplier ang orderon sang kooperatiba kag ini ang magabyahe indi lang sa syudad kundi sa probinsya.
