4,000 nga mga test kits ang dala ni Iloilo 1st District Rep. Janette Garin agud nga gamiton indi lamang para sa premier distrito kundi mangin sa syudad kag probinsya sang Iloilo.
Sa interview sang Bombo Radyo kay Garin, iya ginpahayag nga katuyuan sang mga test kits nga dala niya amo nga ma pa-idalom sa nasal swab test ang mga doctors, nurses, medtech kag iban pa nga mga medical health workers.
Suno kay Garin, indi dapat magkakulba ang mga tawo apisar nga may yara sang pandemya bangud malayo ang sitwasyon sang Iloilo sa iban nga lugar kaangay sang Cebu nga madata ang kaso sang Coronavirus Disease 2019 (COVID-19).
Dugang pa sang natungdan, bangud madamo sang backlogs ang Western Visayas Medical Center, obligasyon sang premier distrito nga buligan man ang iban nga mga lugar sa Iloilo pinaagi sa pag-paidalom sa ila sa nasal swab test.
