Nahatagan sang medical assistance ang Philippine Red Cross sa 401 ka mga deboto kadungan sang nagapadayon nga Traslacion sa Manila.
Sa ala-1:00 sang hapon nga report, ginpahayag sang Philippine Red Cross nga sa kabug-usan nga pasyente, 15 na ang na-ospital bangud sa nausea, chest pain, deviated nose, dislocated shoulder, nose bleeding, pain sa left ankle, nabudlayan magginhawa, chills, kag back pain.
May kabug-usan nga 215 ka mga deboto ang nagreklamo sang minor concerns pareho sang abrasion, puncture, neck pain, avulsion, burn, hyperacidity, dizziness, laceration, headache, open wound, ingrown mail pain, detached nail, difficulty of breathing, contusion, sprain, kag sore throat.
Sa dimagkubos walo ka mga deboto ang nagreport sang dalagku nga mga kabalaka pareho sang pagkalipong nga may indi maathag nga panan-awan, kasukaon, kaluya sang lawas, kag kabudlayan sa pagginhawa.
Samtang, 150 ka mga deboto ang ginpa-check ang vital signs.
Una diri, ginpahayag sang Metropolitan Manila Development Authority (MMDA) nga tatlo ang ginhatagan sang atensyon medikal matapos nga napilasan sa tion sang Traslacion.
Ang iban sa mga deboto napilasan samtang nagatinguha nga magsaka sa andas ukon sa karwahe nga may larawan ni Jesus Nazareno.
As of 8 a.m. tubtub 9 a.m., 91,800 ka mga deboto ang naobserbahan nga nagapasakop sa Traslacion suno sa Simbahan sang Quiapo.
Samtang 25,750 pa ka mga deboto ang na-monitor sa Quiapo Church kag 1,500 sa Rizal Park.
