Ginsekyar sang Iloilo City Commission on Elections (COMELEC) ang 417 boxes sang official ballots para sa 417 ka mga clustered precincts sa Iloilo City.
Ini bilang preparasyon man sa palaabuton nga May 12, 2025 midterm elections.
Sa interview sang Bombo Radyo kay Atty. Pinky Jevini Tentativa, Election Officer sang Iloilo City Commission on Elections, iya ginpahayag nga ‘las-8:36 kaina sang aga, nagpatuman na ang talatapan sang deployment sang mga automated counting machines (ACM) sa syudad.
Suno kay Tentiva, gin-deliver ang machines sa 66 ka voting centers sa Iloilo City para sa 330,621 ka mga registered voters.
Gintuad man sini nga nauna dulong ang ACM sa Distrito sang Arevalo, ginsundan sang Molo, Lapuz, La Paz, Mandurriao, kag Jaro.
Ipatuman naman buwas nga adlaw ang synchronize final testing and sealing sang machines.
Matapos ang amo nga tikang, i-seal na ang mga ACM kag indi na ini mahimo mabuksan tubtob sa adlaw sang eleksyon.
Ipahamtang naman ini sa mga storage facilities sang voting centers lakip na sa mga mall.
Pagabantayan naman automated counting machines sang katapo sang Philippine National Police (PNP).
