Na-deliver na ang 417 ka mga Automated Counting Machine (ACM) nga gamiton para sa Iloilo City sa palaabuton nga May 12, 2025 midterm elections.
Sa interview sang Bombo Radyo kay Mr. Jonathan Sayno, Election Assistant II sang Iloilo City Commission on Elections (COMELEC), iya ginpahayag nga yara na subong nakapahamtang sa ila talatapan ang nasambit nga mga machine.
Suno kay Sayno, i-distribute ang ACM sa Mayo 6 sa tagsa ka voting centers sa syudad kag ipaidalom ini sa final testing and sealing sa Mayo 7, 2025.
Ginpahayag man sini nga kasunod sang amo nga tikang kag wala na sang may makit-an nga depekto, mahimo na ini i-preparar para sa May 12 midterm elecions.
