42 ka miyembro sang cause oriented group nga gindakop bangud sa civil disobedience nakapyansa na

ILOILO CITY- Nakapiyansa na ang 42 ka miyembro sang cause oriented groups nga gindakop sang damlag lang bangud sa civil disobidience.

Ini ang may kaangtanan sa tuyo sang grupo nga magpatigayon sang hublag protesta bangud sa kamatayon ni Jory Porquia, ang City Coordinator sang Bayan Muna.

Sa interview sang Bombo Radyo kay Iloilo City Police Office Spokesperson Police Captain Shella Mae Sangrines, iya ginpahahayag nga nakaguwa na sa presuhan ang mga arestado matapos nakapiyansa sang P12,000 kada isa.

Suno kay Sangrines, natigayon ang inquest proceedings kag napasaka na ang kaso apang gilayon sila nga nakabaton sang court order.

Nahibalu-an nga lakip sa layi nga nalapas amo ang Article 151 sang Revised Penal Code ukon ang disobedience to persons in authority may kaangtanan sa pagdumili sang mass gathering, Batas Pambansa 880 may kaangtanan sa pagpatigayon sang rally nga wala sang permit, Republic Act 11332 ukon ang Mandatory Reporting of Notifiable Diseases kag Republic Act 11469 ukon ang Bayanihan to Heal as One Act.