Patay ang 42 ka mga tawo matapos mahulog sa banglid ang bus nga ila ginasakyan sa South Africa.
Lunsay mga Zimbabwean kag Malawian national ang napatay sa insidente nga natabo sa mabukid nga bahin sang Limpopo province sang South Africa.
Sa inisyal nga imbestigasyon sang mga otoridad, nadulaan sang control ang driver tubtob nga mahulog na sa madalom nga bahin sang bukid ang nasambit nga bus nga halin sa Gqeberha City sa Eastern Cape.
Nagpalab-ot naman sang simpatiya si South African President Cyril Ramaphosa sa mga napatay ilabi na lakip sa mga ini ang pito ka mga kabataan.
Padayon ang ginapatigayon nga imbestigasyon sang mga otoridad sa natabo nga insidente.
