Padayon nga nagadugang ang kaso sang COVID-19 sa mga health workers.
Base sa data sang Department of Health (DOH), 422 nga mga health workers ang nagdugang sa mga nagpositibo sa virus sa diin 7,354 na ang kabug-usan nga numero.
Ang mga naka recover ang nagsaka man sa 6,616 matapos nga 468 ang nagdugang sa mga nag-ayo sa nasambit nga balati-an samtang nagapabilin sa 40 ang patay.
Ang 698 nga mga medical workers ang active cases sa diin nagapaidalom pa sa pagbulong ukon quarantine.
Nagapanguna nga may pinakamataas nga kaso amo ang nurses nga may 2,572, doctors nga may 1,496, nursing assistants nga may 526, medical technologists nga may 339 kag midwifes nga may 163 nga mga kaso.
