Patay ang isa ka lalaki matapos ginpulihan-labo sang mag-ulutod sa Barangay Canituan, Laua-an, Antique.
Ang biktima amo si Freddie Berto Espino, 43, mangunguma, residente sang nasambit nga barangay.
Sa interview sang Bombo Radyo kay Police Lieutenant Joseph Oberio, hepe sang Laua-an Municipal Police Station, iya ginpahayag nga ang mga suspek amo sanday Jerry Necesito Saligumba I, 42; Jerry Necesito Saligumba II, 38; kag Rodolfo Saligumba Jr, 30.
Suno kay Oberio, tatlo ang igu sang biktima — duha sa likod, kag isa ka patal nga igu sa dughan.
Ginapahayag nga naakig ang mga suspek bangud ginpasibangdan sila nga nagapangawat sang manok kag ginapahayag man nga napabangdan ang mga anak sang mga suspek nga nagsakit sa baka sang biktima.
Antes ang pagpatay sa biktima, ginaalegar nga gin-harass pa ini sa ila nga balay.
Sang buot ini nga magreport sa pulis, ginsundan ini sang mga suspek kag ginpulihan.
Nagsungka man ang mag-ulutod kag natalana nga pasakaan sang kaso nga murder.
