Padayon pa nga ginapangita ang 43 ka mga tawo matapos nagkapan ang isa ka barko sa southeastern coast sang Tunisia.
Suno kay Mongi Slim, Head sang Red Crescent, 127 ka mga migrants ang sakay sang barko sa diin 84 lamang ang natigayon nga ma-rescue.
Halin sa Libya ang nasambit nga barko base sa impormasyon nga nakuha halin sa mga survivors.
Pahayag naman sang defense ministry, ang 84 ka mga na-rescue sang Tunisian navy ang ginalakipan sang nagkalain-lain nga mga nationalities nga naghalin sa Bangadesh, Chad, Egypt, Eitrea kag Sudan.
Ang nasambit nga mga survivors ang naga edad sang tatlo tubtob 40 anyos.
