ILOILO CITY – Isa ka reclamation project nga nagabalor sang P45 billion ang tuyo nga tukuron sa kadagatan sa tunga sang Iloilo kag Guimaras.
Sa interview sang Bombo Radyo Iloilo, ginpahayag ni Ronnie Baterna sang Marikudo Realty Development Corp. nga anum ka tuig nga ginplano ang nasambit nga proyekto.
Duha ka artipisyal nga isla ang pagatukuron nga may kasangkaron nga 365 kilometro kag patindugan sang mga skyscrapers.
Ginpasiguro ni Baterna nga wala sang maapektuhan nga mga residente, sa baylo makabenepisyo pa ang mga ini bangud magamit nga proteksyon batok sa balod ang nasambit nga proyekto.
Wala man sang gastuhon ang Iloilo City government suno kay Baterna.
Kun madayon, mangin partner sang ng Marikudo ang Sunwest Construction and Development Corporation kag ang Dutch contractor nga Van Oord nga amo ang sa likod sang kilala nga Palm Jumeirah Island kag World Islands sa Dubai.