Patay ang 45 ka tawo lakip na ang 12 ka kabataan matapos nga nagkalayo sa tunga sang highway ang isa ka bus sa western Bulgaria.
Indi pa maathag kun ano ang nangin rason sang insidente apang naga-guwa sa inisyal nga imbestigasyon nga nadalasa sang bus ang barikada sa dalan.
Sa tanan nga pasahero sa bus, 7 lang gid ang reported nga nakaluwas, apang nagsuprer man sang sunog sa lawas kag nabali ang mga tiil.
Sandig sa statement sang interior ministry sang Bulgaria, ini ang ‘most deadly bus accident’ sa maragtas sang amo nga pungsod.
Nag-abo gid ang bangkay sang mga pasahero suno kay Interim Interior Minister Boyko Rashkov.
Gina-imbestigaran subong kun human error ang natabo ukon technical malfunction.
