ILOILO CITY – 45% sang 180 ka mga barangay sa syudad sang Iloilo ang wala sang kaugalingon nga kuntador kag naga-tap lamang sa linya sang Iloilo City Government.
Ini ang ginkumpirma sa Bombo Radyo ni Liga ng mga Barangay spokesperson Roberto Niño sang Calumpang, Molo.
Suno kay Niño, ginapangitaan na sang paagi sang Iloilo City Government kag sang bag-o nga electric distributor nga mahatagan sang kaugalingon nga kuntador ang masobra sa 80 ka mga barangay.
Ginpahayag ni Niño nga bangud sa mabudlay nga documentary requirements sang anay electric distributor sa syudad sang Iloilo, ang masobra sa 80 ka mga barangay ang wala na naka-apply agud nga maka-angkon sang kuntador.
Samtang wala pa ini matigayon, ginpahayag sang natungdan nga tuigan ang pagbayad sang bill sang masobra sa 80 ka mga barangay.
Sa press conference, ginpahayag naman ni Mayor Jerry Treñas nga may yara na siya sang mandu kay Engr. Salvador Pedregosa sang City Engineer’s Office nga padasigon ang pagproseso sang mga application para sa bag-o nga kuntador.
Magluwas kay Pedregosa, ginmandu-an man sang alkalde ang iya Chief of Staff nga si Mr. Jonas Belosillo kaupod si Liga ng mga Barangay President Irene Ong.
