Nag-deploy na sang 450 police personnel ang Iloilo City Police Office sa nagkalain-lain nga bahin sang siudad agud nga magbantay subong nga Semana Santa.
Sa interview sang Bombo Radyo kay PCol. Wilbert Parilla, Officer in charge sang ICPO, iya ginpahayag nga ini amo ang ila tikang para sa seguridad sang tanan nga magapadulong sa mga simbahan, ports, kag terminal.
Suno man sa iya, may ginplastar man sila nga mga police assistance desks.
Magalawig naman ang deployment suno sa iya tubtob sa Easter Sunday.
Nagpahanumdom man si Parilla sa publiko nga likawan ang pagsuksok sang magarbo nga panapton kag alahas agud nga malikawan man nga mangin target sang mga kawatan.
