Naglab-ot sa 46 ka mga indibidwal ang napatay matapos nagbunguanay ang pila ka mga salakyan sa Uganda.
Base sa initial investigation, duha ka bus ang nagdungan nga nag-overtake sa Kampala-gulu Highway tubtob nga nakasumalang nila ang truck kag kotse.
Ginhimakasan pa sang mga bus nga likawan ang ila nasumalang, apang nalab-ot gihapon ang mga ini sa diin isa sa mga bus ang nagbalintuwad.
Gindala naman sa hospital ang pila ka mga pasahero nga nakaangkon sang samad sa ila mga lawas.
Nagpalab-ot naman sang simpatiya si Uganda President Yoweri Museveni kun sa diin ginahatagan sini ang mga himata sang biktima sang tig-$1,430 bilang bulig.
Ginmandi man sang president ang hugot nga imbestigasyon sa nasambit nga insidente.
