Naglab-ot na sa 49 ka mga Pilipino ang nakabase sa Israel ang nadulaan sang puluy-an humalin sang nag-umpisa ang gyera sa tunga sang Israel kag Iran.
Ini base sa report nga ginapaguwa sang Philippine Embassy sa Israel, sa Day 5 sang Operation Rising Lion sa amo nga pungsod.
Una na nga ginpatigayon sang verification ang embahada sa pito ka mga nasamaran nga mga Pinoy.
Sa subong, lima na sa ila ang nakaguwa sa ospitak samtang isa ang padayon nga kritikal ang kondisyon.
Ang isa pa ka nasamaran ang may ‘moderate’ condition kag padayon nga nagapaayo.
Suno sa embahada, padayon sini nga ginabantayan ang sitwasyon sang mga Pinoy nga nakabase sa amo nga pungsod agud nga gilayon nag mahatagan sang nagakaigo nga bulig, base sa ila kinahanglanon.
Magapadayon man nga bukas ang temporary shelter para sa mga nadulaan sang puluy-an, kaupod ang nagakaigo nga supplies, sunod man sa embahada.
Pwedi man makig-angot san 24/7 hotline number sang embahada nga +972 54 466 1188 ukon sa Assistance to Nationals hotline nga +972 50 911 4017.
Una na nga ginpasiguro ni Israeli Ambassador to the Philippines nga si Ilan Fluss nga pagasabton sang gobyerno sang Israel ang galastuhon sang mga nasamaran nga mga Pinoy, lakip na ang bulig pinansyal, kapareho sang benepisyo nga mabaton man sang iban pa nga mga Israelis.
