Posible nga sa Lunes ma-file sa Kamara ang ikaapat nga impeachment complaint batok kay Vice President Sara Duterte.
Suno kay House Secretary General Reginald Velasco, base ini sa impormasyon nga ginpalab-ot sang miyembro sang House majority.
Ginpahayag sini nga may nagahingyo sang extension antes i-refer sa House Speaker ang complaints bangud sa ihingagaw nga ika-apat nga complaint apang wala pa sang klaro kun pila ang maga-endorse sini.
Sa pihak nga bahin, may 10-12 ka mga mamalidha nga nagaplano sa pag-endorso sang isa sa tatlo ka nauna nga impeachment complaints.
Suno kay Velasco, ini nga mga kongresista ang naghalin sa majority kag minority blocs sa lower chamber, apang wala pa sang klaro kun ano sa tatlo ka nauna nga impeachment complaints ang ila pilion nga i-endorso.
Kun balikan, ang nauna nga complaint ang gin-endorso ni Akbayan Party List Rep. Percival Cendaña nga nagplastar sang alleged culpable violations sang Constitution, graft and corruption, bribery, betrayal of public trust kag high crimes.
Ang second impeachment complaint naman ang gin-endorso sang tatlo ka Makabayan bloc congressmen nga nag-cite naman sang ground nga betrayal of public trust.
Sa ikatatlo nga complaint, gin-endorso ini nanday Camarines Sur 3rd District Representative Gabriel Bordado Jr. kag AAMBIS-OWA Party List Representative Lex Anthony Colada nga nagsaad sang grounds nga culpable violation of the Constitution, betrayal of public trust, plunder, malversation, technical malversation kag bribery.
Ang tanan nga complaints ang nag-mensyonar sang ginaalegar nga iregularidad sa paggamit ni Sara Duterte sang confidential funds.
