ILOILO CITY – Nangin maduagon ang ginpatigayon nga awards night sang 4th Jaro Archdiocesan Film Festival sa St. Vincent Ferrer Seminary, Jaro, Iloilo City.
Ang nasambit nga Film Festival ang ginpasakupan sang nagkalain-lain nga mga talented film-makers, artists kag directors, kag social media ministry members halin sa nagkalain-lain nga Parokya sa idalom sang Archdiocese of Jaro.
Ginkilala naman bilang Best Short Film ang ‘Carro’ sang Immaculate Conception Parish sa Tanza, Iloilo City Proper.
Sa interview sang Bombo Radyo kay Ryan Terante, nga ginkilala bilang best film director, iya ginpahayag nga ang istorya sang ‘Carro’ ang santo sa nagakatabo nga kamatuuran sa komunidad.
Suno kay Terante, sa pag-umpisa pa lang sang ila shooting, ginhandom na sini nga magdaog.
Tuig 2021 sang una ini nga nagpasakop sa Film Festival, apang sa subong lang nakuha ang kampyonato.
