ILOILO CITY – Lima ka mga barangay sa syudad sang Iloilo ang ginpaidalom sa 72 oras nga surgical lockdown epektibo 6:00 sang kasisidmon sang Oktubre 1.
Sa interiew sang Bombo Radyo kay Dr. Roland Jay Fortuna, focal person for COVID-19 sang Iloilo City Government, iya ginpahayag nga santo sa Executive Order No. 156 series of 2020 nga pirmado ni Iloilo City Mayor Jerry Treñas, ang mga lugar nga ipaidalom sa lockdown amo ang mga masunod:
- Villa Anita, City Proper (Zone 3 )
- Monica, City Proper (Zona Uma kag Zona Sulod)
- West Timawa, Molo (Zone 1)
- Taal, Molo (Zone 3)
- Caingin, La Paz (Zone 2, 3 kag 6)
Ang surgcal lockdown ang magalawig tubtub sa Oktubre 5:59 sang hapon sang Oktubre 2.
Ang nasambit nga mga lugar ang may tatlo pataas nga kaso sang COVID-19 sa sulod sang duha ka adlaw.
May anum naman ka mga barangay ang nalakip sa watchlist agud ipaidalom sa surgical lockdown.
Ang mga nalakip sa watchlist nga may na record nga indi magsobra sa 2 ka COVID-19 cases amo ang:
- Sooc, Arevalo
- Yulo, Arevalo
- Lapuz Norte, Lapuz
- North Fundidor, Molo
- San Isidro, La Paz
- Gustilo, La Paz
Kun magdugang ang ma record nga cases buwas nga adlaw, Oktubre 2, ipaidalom sa surgical lockdown ang nasambit nga mga barangay.
Samtang, 11 naman ka mga barangay gikan sa 23 nga una nga ginpaidalom sa surgical lockdown ang wala pa sang reported cases sa sulod sang duha ka adlaw (Setyembre 29 – 30) kag posible nga i-lift na ang lockdown.
Ang mga barangay amu ang:
1.Caingin, La Paz
- Nabitasan, La Paz
- McArthur, La Paz
- Lopez Jaena, La Paz
- Bakhaw, Mandurriao
- Q. Abeto, Mandurriao
- Ma. Cristina, City Proper
- Zamora, City Proper
- San Jose, Arevalo
- Calaparan, Arevalo
- Mansaya, Lapuz
